पाँचखाल\ नेपाली कांग्रेस क्षेत्र नं २ (१) का सभापति हेमकुमार तामाङले क्यान्सरपीडिको लागि १ लाख सहयोग जुटाएका छन् ।
मुखको क्यानसरले थलिएका पाँचखाल नगरपालिका –८,चिसापानीका ४१ वर्षीय उमेश तामाङलाई कांग्रेस नेता एंव समाजसेवी तामाङको पहलमा १ लाख रुपैंया सहयोग प्रदान गरिएको हो ।
आर्थिक स्थिती कमजोर रहेका उमेशको सहयोगको लागि हेमले न्युयोर्कमा रहेका आफ्ना साथीहरुलाई जानकारी गराएपछि त्यहाँको मामा–भाञ्जा ग्रुपका दावा लामा, जोन लामा र न्यु हेमेस्पियर नेपाल कम्युनिटी सोसाइटीका मिङमार शेर्पाको पहलमा अमेरिका सहयोग संकलन भएको थियो ।
तामाङले पाँचखाल वडा नं ८ का अध्यक्ष रहेका कांग्रेस नगर सभापति सञ्जय तामाङको रहोवरमा सहयोग हस्तान्तरण गरे । क्षेत्रीय सभापति तामाङले यस्ता प्राणघातक रोगको सरकार आफैले उपचार गर्नुपर्ने भन्दै पीडितलाई थप सहयोग गर्ने प्रतिवद्धता जनाए ।
३ पटक शल्यक्रिया गर्दा १७ लाख रुपैयाँ सकिएको र आर्थिक अवस्था कमजोर भएकोले उपचारमा समस्या भएको उमेशका दाजु दिनेशले बताए । उमेशको उपचारको लागि संघीय सरकारबाट १ लाख, बाग्मती प्रदेशबाट ५० हजार र पाँचखाल नगरपालिकाले १० हजार रुपैयाँ सहयोग गरेको छ ।
प्रतिक्रिया दिनुहोस