मण्डनदेउपुर\ मण्डनदेउपुर नगर अस्पतालको क्षमता विस्तार थालिएको छ ।
बाग्मती प्रदेश सरकार र नगरपालिकाको सहकार्यमा ५ शैयामा सञ्चालित अस्पतालमा संघीय सरकार र नगरपालिकाकै सहकार्यमा थप १५ शैयाको अस्पताल भवन शिलान्यास गरिएको हो ।
२२ करोड ८६ लाख ६० हजार ४ सय ४७ रुपैयाँको लागतमा बन्ने अस्पताल संघीय सरकारका स्वास्थ्य तथा जनसंख्या मन्त्री मोहनबहादुर बस्नेतले शिलान्यास गरे ।
२०८० जेठ ३० गते भएको निर्माण सम्झौता अनुसार २०८१ पुष १ गते भवन निर्माण सम्पन्न गर्नुपर्नेछ ।
मन्त्री मोहनबहादुर बस्नेतले नगर अस्पतालको लागि मन्त्रालय बाट मेडिकल उपकरण र जनशक्ति छिट्टै उपलब्ध गराउने प्रतिवद्धता व्यक्त गरे । उनले जनताले अनुभुती हुने गरि स्वास्थ्य मन्त्रालयले काम गरिरहेको दाबी गरे ।
नगर प्रमुख टोकबहादुर वाइवाले मन्त्री बस्नेतको ‘क्रान्तिकारी निर्णय´का आधारमा मण्डनदेउपुर नगर अस्पतालले सहयोग प्राप्त गरेको भन्दै आभार प्रकट गरे ।
नगर उपप्रमुख विष्णुमणि नेपालले नगरको आन्तरिक श्रोतबाट जनशक्ति व्यवस्थापन गर्दा निकै चुनौतीपूर्ण रहेको भन्दै विशेषज्ञसहितको जनशक्ति व्यवस्थापन गरिदिन अनुरोध छ ।
प्रतिक्रिया दिनुहोस